بیروڕا
پەلامارەکانی داعش و هەڵایی ڕۆژنامەنوسان
سەردەشت محمد

یەکێک لەو هەڵە گەورە و نابەجێیانەی کە بەبەردەوام و بەتایبەت لەساتەوەختی دروست بوونی شەڕی نێوان هێزەکانی پێشمەرگەو چەکدارانی داعشەوە بەبەردەوامی دوبارەدەبێتەوە و تاوەکوئێستا سنورێک بۆئەم نابەرپرسیارێتیە دانەنراوە ئەوەیە هەرکات هێرش و پەلاماردانەکانی چەکدارانی داعش بۆسەر هێزەکانی پێشمەرگە دەستپێدەکات دەستبەجێ ڕۆژنامەنوسان و دەزگاکانی ڕاگەیاندن بەسود وەرگرتن لەو زانیاریانەی کە لەڕێگەی تۆڕەکۆمەڵایەتییەکانەوە بڵاو دەکرێنەوە، ناو و وێنە و زانیاری تایبەتی و کەسێتی و ئاماری قوربانیانی هێزەکانی پێشمەرگە بڵاو دەکەنەوە و ئەمەش تەنها لەپێناو ئەوەی وەک یەکەم دەزگا بناسرێن کە زانیاریەکانیان بڵاوکردۆتەوە بەبێ ئەوەی گوێ بە دەرئەنجامە خراپەکانی ئەم جۆرە هەواڵ و ڕووداوانە بدرێت و هەندێک جار بەوردبونەوەو گوێگرتن لە شێواز و چۆنێتی بڵاوکردنەوەی ئەو هەواڵانە واهەست دەکەیت زانیاری لە دەزگایەکی سیخوڕی نزیک لەچەکدارانی داعشەوە وەردەگریت،چونکە زۆرجار زانیاریەکان و ئاماری قوربانی و زیانەکان و شێوازی پەلاماردانەکان  زۆر بەوردی و دیقەتەوە بڵاودەکرێتەوە کە ئەمە نەک خزمەت بە هێزەکانی پێشمەرگەناکات،بەڵکو بەپێچەوانەوە دەچیتەوە خزمەت بەرژەوەندییەکانی دوژمنان و زۆر بەسانایی ئاماری قوربانیەکانیان دەست دەکەوێت لەکاتێکدا واپێویست دەکات ئەوزانیاریانە بەنهێنی بمێننەوە و ئەمەجگە لەو هەڵەیەیەی کە زۆرجار ڕۆژنامەوسان و دەزگاکانی ڕاگەیاندن دوبارەی دەکەنەوە ئەوەیە دەستبەجێ و بەبێ هیچ سانسۆرێک وێنەو ناوی قوربانیەکان بڵاودەکرێتەوە کەهەندێک جار خانەوادەو  کەسوکاری قوربانییەکان ڕەنگە لەڕێگەی تۆڕەکۆمەڵایەتیەکان و هەواڵە بەپەلەکانی ڕۆژنامەنوسان و دەزگاکانی ڕاگەیاندنەوە هەواڵەکەیان پێبگات، کەدواجار لەڕوی دەرونییەوە کاریگەری خراپ بەدوای خۆیدا دەهێنێت، بۆیە  پێویست دەکات وەزارەتی ڕۆشنبیری و  وەزارەتەی پێشمەرگە ڕێگە بەهیچ ڕۆژنامەنوسێک و دەزگایەکی ڕاگەیاندن نەدەن کە بەزودی تەواویی زانیاریەکان و ئاماری قوربانیان و وێنەو ناوەکانیان بڵاوبکەنەوە و دەبێت ڕۆژنامەنوسان ودەزگاکانی ڕاگەیاندن خۆشیان بۆلەمەودوا پیشەیانە مامەڵەبکەن و جارێکی دیکە ئەو هەڵەیە دوبارەنەکەنەوە و لەبری ئەوە هەوڵی بەدەست هێنان و بڵاوکردنەوەی زەرەرو زیانەکانی دوژمنان بدەن، بەداخەوە تائێستا ئەو هەنگاوەیان نەناوە و تەنها سەرقاڵی بڵاوکردنەوەی ئاماری قوربانیانی هێزەکانی پێشمەرگەن

‌‌ زیاتر ...
ئازاد ئیبراهیم ئەحمەد
ئازاد ئیبراهیم ئەحمەد
شاناز ئیبراهیم ئه‌حمه‌د
شاناز ئیبراهیم ئه‌حمه‌د
ئازاد ئیبراهیم ئەحمەد
ئازاد ئیبراهیم ئەحمەد
ئازاد ئیبراهیم ئەحمەد
زۆرترین خوێندراو
  • 24 کاتژمێر
  • هەفتە
  • مانگ