هونەر
كۆمساى : بۆ هیچ كه‌س خۆم جوان ناكه‌م و بۆ خۆم ده‌ژیم
 ئاڕاستە:ڤانیا بێستون
خانمه‌ گۆرانیبێژی ناسراو كۆمسای، ئاشق به‌ خۆیه‌تی و ته‌نها بۆ خۆی ده‌ژی و خۆم بۆ كه‌س جوان نه‌كردووه‌.

كۆمسای له‌ لاپه‌ڕه‌ی فه‌رمی خۆی له‌ سۆشیال میدیا په‌یامێك بڵاوده‌كاته‌وه‌ ده‌رباره‌ی خۆ جوانكردن و ده‌ڵێت "هیچ كات خۆمم بۆ كه‌س جوان نه‌كردووه‌، ئه‌گه‌ر بۆ كه‌س بێت، هه‌ر خۆم جوان ناكه‌م، بۆ دڵی خۆم گۆرانی ده‌ڵێم و بۆخۆم ده‌ژیم، زۆر ئاشقی خۆمم حه‌تا ئاشقی ناشرینیه‌كانی خۆمم، هه‌موو به‌یانییه‌ك له‌به‌رده‌م ئاوێنه‌ ماچی خۆم ده‌كه‌م و ده‌ڵێم، كۆمسای گیان به‌یانیت باش جوانترین و به‌هێزترین كۆمسای دونیا". 

نوسیویشیه‌تى:هونه‌ره‌كه‌م چه‌كێكه‌ بۆ ئه‌و كه‌سانه‌ی ده‌ڵێن ژن ناتوانێ یان نابێت ، به‌ هه‌ر جلوبه‌رگێك پێی جوان بێت ده‌ربكه‌وێت، چونكه‌ پێم وایه‌ به‌ جلوبه‌رگ پێناسه‌ی كه‌سایه‌تی ناكرێت، خۆشی به‌ رێگایه‌كی رووناك بۆ خانمه‌ هونه‌رمه‌ندانی دیكه‌ ناوده‌بات، بۆ ئه‌وه‌ی گۆرانی شادی بڵێن و ده‌ڵێت ئه‌و سته‌یجه‌ ته‌نیا بۆ پیاو نییه‌.

كۆمسای خه‌ڵكی رۆژهه‌ڵاتی كوردستانه‌، خاوه‌نی چه‌ند گۆرانی و ڤیدیۆكلیپێكه‌، به‌ڵام به‌ گۆرانیه‌ شادی ئامێزه‌كانی ناسراوه‌.
5685 جار خوێندراوه‌ته‌وه‌
5/27/2019 12:03:40 PM
زیاتر ...
زۆرترین خوێندراو
  • 24 کاتژمێر
  • هەفتە
  • مانگ