هەواڵ
بزانه‌ داوای چی له‌ سایه‌ كه‌ریم ده‌كرێت
 ئاڕاستە


گۆران عەلی، رۆشنبیری كوردی نیشتەجێی وڵاتی ئەڵمانیا لە نامەیەكی كراوەدا بۆ سایە كەریم، ئەو كچە كوردەی وەك پۆرن ستار خۆی دەناسێنێت و چەندین گرتەی ڤیدیۆیی سێكسی بلأو كردۆتەوە داوای لێدەكات واز لەو كارەی بهێنێت. 

گۆران عەلی لە نامەكەیدا كە سایە وە وەك كچی خۆی پێناسە دەكات و دەڵێت: كچم سایە، من تا ئەم چركە ساتە تۆم نەدیوەو نازانم سەر بە كام خێزانی دەربەدەری، كە بە ئومێدی گەڕان بە دوای ژیانێكی باشتردا، بۆ خۆیان و بۆ تۆو خوشكەكانی ترت، كاڵێ‌ی غەریبیان كردە باڵای خۆیان، تەنانەت نازانم راست و دروست خەڵكی كام شاری كوردوستانی و لە كام وڵات ئەوروپی ژیان بە سەر دەبەیت، تەنانەت ناشزانم بە ڕاست تۆ ناوت سایە كەریمە یان ناوەكەشت وەك ژیانەكەی ئێستات هی خۆت و شایستەی خۆت نییە. 
دەشڵێت "سایە ڕیك وا دەزانم ئەوەی بە سەر تۆدا هاتووە، ڕێك بە سەر كچەكەی خۆمدا هاتووە، ڕێك بە سەر برازاكەم یان خوشكەزاكەمدا هاتووە. هیچ كەسێكیش ئەمە بە دوور نەزانێت و دەكرێت ئەم كارەسات و وەیشوومە بە هەردوو دەست لە دەرگای ماڵەكەی بدات. من دڵنیام تۆ ئەگەر ڕێكەوت تووشی بكردایەیت بە تووشی كچێك یان كوڕێكی خەباتكاری ڕێگای ئازادی و عیشق و سەربەرزی مرۆڤەوە، ئەوا ئێستا خەباتكارێكی سەرسەختی ئەو مەیدانانە دەبوویت ،كە لە تەمەنێكی كەمدا ڕێكەوت بە لاڕێیدا بردوویت و لە چنگی ڕەشی كۆمپانیا سێكسییەكاندا گیرساویتەوە، داواشی لێدەكات بە لایك و دەست خۆشی برسییەكانی سێكس هەڵ مەخەڵەتێ. 

له‌ نامه‌كه‌دا باس له‌وه‌شده‌كات : بەڵی تۆ ئازادیت كە ئازادانە عیشق بكەیت، بەڵام ئازاد نیت لەوەی ئازادی خەڵكی تر زەوت بكەیت و لە قەفەسیان بنێیت. ئایا بیرت كردۆتەوە كە ئازادی تۆ لەوێدا كۆتایی دێت كە ئازادی دایكت، باوكت، خوشكەكانت دەست پێدەكات،داوا لە یاسە دەكات تەنها بۆ یەك چركە بچێتە ناو ناخی دایك و باوكی پێیوایە ئێستا ئەوان لەرویان نایەت بچنە ناو كۆڕ و كۆمەڵەوە "تەنها بیر بكەرەوە كە رەنگە ئێستا ئەو گەنجەی بە تەمای خوشكە گەورەكەت بێت و نیازی و نیازی بووبێت هێلانەی هاوسەری لە گەڵا دروست بكات، پاشگەز بووبێتەوە لەوەی ژیانی هاوسەری لە گەڵ خوشكەكەتدا گرێ بدات.

 ئاماژه‌ی به‌وه‌شكردوه‌، ئەو ئازادیەی تۆ ئازادی كەسوكارەی تێكداوە و راشیدەگەیەنێت ئەوەی ئەو ناوی ئازادی لێناوە "كۆیلەیەتی ژنە، كۆیلەیەتی سێكسییە، بە كاڵا كردنی لەش و سێكسی تۆیە،
كچەكەم سایە، تۆ بەم كارەت نەك ئازادیت لە دەست دا، بەڵكو بۆ هەتایە خۆت كرد بە كۆیلەی كۆمپانیا سێكسییەكانی سەرمایەداری و ژیانت خۆتت وێران كرد، ئەمرۆ دەتكەن بە بووكەڵەی سێكس و سبەینێش ئالوودەی مادە هۆشبەرەكانت دەكەن، بە دەست خۆت نییە، ئەوە پرۆسەیە هەر ئەوەندەی ئیمزاتدا لە بەڵێننامەی بە كاڵا بوونی هەست و نەستەكانت، ئیتر هەنگاوەكانی دواتر خۆی لە خۆیەوە دێت و ڕوودەدات،ئەو ئازاری خۆی بەو كارەی كچە كوردەكە ناشارێتەوە باس لەوە دەكات بەهێندەی باوكی سایە بە ئازارە ەو كارەی و داوا دەكات ئەو قسەیەی لێوەر بگرێت و دەڵێت "ئێستاش درەنگ نییە بگەڕێیتەوە باوەشی كۆمەڵگاو باوەشی دایك و باوكە دڵ پڕ لە خەمەكەت، شەقێك لە كۆیلایەتی سێكسی هەڵ بدەو باوەش بكەرەوە بۆ ئازادی و بۆ عیشق و بۆ سەربەرزی، تۆ مرۆڤیت و گەنجیت و جوانیت، شایستەی ژیانێكی ئازادو سەربەرزانەیت، نەك كۆیلایەتی سێكسی. درەنگ نییە كچم، بروا بكە ئێستاش درەنگ نییە بگەڕێیتەوە دڵنیاش بە لە گەڕانەوەتدا لەشكرێك لە خەڵكی باش دەبینیت وەستاون بۆ یارمەتی دانت.
48142 جار خوێندراوه‌ته‌وه‌
6/20/2019 12:39:33 PM
زیاتر ...
زۆرترین خوێندراو
  • 24 کاتژمێر
  • هەفتە
  • مانگ