هەواڵ
په‌كه‌كه‌ هه‌ڕه‌شه‌ ده‌كات
 ئاڕاستە

سه‌باره‌ت به‌ شەهیدبووبوونى دیار غەریب ئەندامی ئەنجومەنی سەرۆكایەتیی گشتیی كۆما جڤاكێن كوردستان(كەجەكە) و هاوڕێكانی،په‌كه‌كه‌ ڕاگه‌یه‌ندراوێك بڵاو ده‌كاته‌وه‌ و هه‌رشه‌ش ده‌كات،ده‌شڵێت: تۆڵەی شەهیدە قارەمانەكانمان دەكەینەوە

پارتی كرێكارانی كوردستان( پەكەكە) له‌ ڕگه‌یه‌ندراوه‌كه‌یدا ڕایگەیاندووه‌:ئێمە باجی ئەم كۆمەڵكوژییە نامەردانەیە‌ لە كوژەران دەستێنین و بەدڵنیاییەوە تۆڵەی شەهیدە قارەمانەكانمان دەكەینەوە. حەسرەت و ئامانجی هاوڕێی شەهیدمان هەڵمەت-ی پێشەنگی بزووتنەوەی ئازادیی كوردستان و دیموكراتیبوونی ڕۆژهەڵاتی ناوین دژ بە گۆشەگیری و فاشیزم بە سەركەوتن دەگەیەنین”.
ئاماژه‌ به‌وه‌ش ده‌كات:ئەم هێرشە لەلایەن ویلایەتە یەكگرتووەكانی ئەمریكا، دەوڵەتانی یەكێتیی ئەورووپا، ڕووسیا و هێزە جیهانییەكانەوە پشتیوانی لێ كراوە و دیسان بە هاوكاری هێزە “خائین”ەكان ئەنجام دراوە، بۆیە ئەم هێزانە بەرپرسن لەو كۆمەڵكوژی و فشارە ڕۆژانەییانەی دەوڵەتی تورك لە باكوور، باشوور و ڕۆژهەڵاتی كوردستان و بەشەكانی دیكە دەیكات”.
په‌كه‌كه‌ له‌ ڕاگه‌یه‌ندراوه‌كه‌دا ده‌شڵێت:ئێمە تۆڵەی كۆمەڵكوژییەكانی سەر گەلی كورد و توركیا یەك بە یەك دەكەینەوە. وەك چۆن گەلی باشووری كوردستان فاشیزمی سەدامی ڕووخاند و سەركەوت، بە یادكردنەوەی هاوڕێ هەڵمەت-یش زیاتر دەگاتە زانابوون. ئێمە، فاشیزمی دەوڵەتی تورك و هاوكارەكانتان لەسەر خاكەكەمان دەردەكەین!”.
روونیشى كردووه‌ته‌وه‌:دەربارەی ئەم هێرشە، ئاشكرایە كە بەشێوەیەكی پیلانڕێژكراو و ڕێكخراو ئەنجام دراوە. دیارە كە هێزە فاشیستەكانی دەوڵەتی تورك پشتگیرییان لەو‌ سیخووڕ و نۆكەرانە وەرگرتووە كە بۆ بڕێك شۆربا خۆیان فرۆشتووە. ئێمە وەك گەل و بزووتنەوە لە ئاستێكی گرنگدا ئەمانە دەزانین و ئەو كەسانەش دەناسین. ڕایدەگەیەنین، بەباشی تۆڵەی ئەم كۆمەڵكوژییە لە كوژەرەكان دەكەینەوە. لەسەر ئەم بنەمایە بانگی هەموو ئەو كەسانە دەكەین كە بە خۆیان دەڵێن شۆڕشگێڕ، دیموكرات و وەڵاتپارێزی كورد بۆ ئەوەی ئەركی خۆیان جێبەجێ بكەن”.
10326 جار خوێندراوه‌ته‌وه‌
7/9/2019 10:30:27 AM
زیاتر ...
زۆرترین خوێندراو
  • 24 کاتژمێر
  • هەفتە
  • مانگ