هەواڵ
سەڵاحەدین دەمیرتاش :كوردستان ڕاستییەكی مێژوویی و جوگرافییە
 ئاڕاستە

هاوسەرۆكی پێشووی پارتی دیموكراتی گەلان (هەدەپە) لەدانیشتنێكی تری داداگاییەكەیدا لە شاری ئەنقەرە بەرگری لە وشەی كوردستان كرد وتی: كوردستان ھەیە و ڕاستییەكی مێژوویی و جوگرافییە.

سەڵاحەدین دەمیرتاش، هاوسەرۆكی پێشووی پارتی دیموكراتی گەلان (هەدەپە) لەدانیشتنێكی تری داداگاییەكەیدا لە شاری ئەنقەرە بەرگری لە وشەی كوردستان كرد وتی: كوردستان ھەیە، نەك لەبەر ئەوەی بینالی یڵدرم یان ئەردۆگان بەكاریان ھێناوە لە قسەكانیاندا، نەك لەبەر ئەوەی سوڵتان سەنجەر نووسیویەتی، نەك لەبەر ئەوەی سوڵتان عەبدولحەمید مۆری كوردستانی بەكارھێناوە، نەك لەبەر ئەوەی میر بەدرخان میری كوردستان بووە، بەڵكو كوردستان ڕاستییەكی مێژوویی و جوگرافییە.
دەمیرتاش لە كاتی بەرگریكردن لە خۆی وتیشی: ئێوە و دادوەرەكانتان، سەد ملیۆن حوكمیش بدەن، كوردستان ھەیە، جوگرافیایەكە بەشێكی گرنگیشی لە ئێستادا لە چوارچێوەی سنوری كۆماری توركیادایە وكوردستان جوگرافیایەكە، سنوری سیاسیی نییە، بەڵام سنوری سۆسیۆلۆژی ھەیە. كوردستان، ناوی جوگرافیایەكی دێرینە تەنھا لەبەرئەوەی دادوەری ئێلیزاغ نایەوێ، من واز لەمە ئەھێنم ببورن، من كوردم، ھەزارساڵی تریش لە زینداندا بم ھەر كوردم".

جێگه‌ی باسه‌،دادگا دوای وەرگرتنی پارێزنامەی پارێزەرەكانی، دادگا بڕیاریدا، ماوەی دەستبەسەركراوییەكەی درێژ بكاتەوە و دانیشتنەكەیان بۆ 2 و 3ی ئەیلولی داهاتوو دواخست.
1078 جار خوێندراوه‌ته‌وه‌
7/18/2019 1:50:54 PM
زیاتر ...
زۆرترین خوێندراو
  • 24 کاتژمێر
  • هەفتە
  • مانگ