هەواڵ
شیكاری بۆ كوژراوو بكوژه‌كه‌ی جێگری قونسوڵی توركیا كراوه‌
 ئاڕاستە

ئەو گرتە ڤیدیۆییەی كە ئەمڕۆ بەیانی بڵاو كرایەوە و تیایدا باس لەوە دەكرێت كە رووداوی رێستۆرانتی هۆقەبازی شاری هەولێرە و بەرپرسێكی توركیا كوژرا كە تا ئێستا رون نەبووەتەوە ئەو بەرپرسە پلەی فەرمی چی بووە.

ئەو گرتە ڤیدیۆییە چەند سەرنجێكی لەسەر دەوترێت كە باس لەوە دەكرێت ئەو بابەتە سیناریۆ بێت لەبەر ئەوەش حساباتی هەندێك وردەكاری نەكراوە، هەرچەندە گرتە ڤیدیۆییەكە بەشێوەیەكی فەرمی بڵاو نەكراوەتەوە. 
هەشت تێبینی: 
یەكەم: جوڵەی كوژراو زۆر ئاسایی سەر دەخاتەوە سەر قۆلی، گوشاری فیشەكەكان هیچ جوڵەیەكی پێناكات لە كاتیكدا هەر سێ فیشەكەكە بە ئاراستەی پێچەوانەی سەری بۆ سەر مێزەكە پێوەی دەنرێت كە دەبوو بە فیشەكی یەكەم بەرەو لای چەپی بكەوتایە بە فیشەكی دووەم و سێهەم بەرە و دواوە بكەوتایە لەبەر ئەوەی هەموو كەسیك دەزانیت فیشەك هێزی پاڵنانی هەیە.
دووەم: ئەوەی كە سەیرە كاكی بكوژ باوەڕی بە مەودای دووری فیشەكەكەی نیە بەڵكو دەچێتە زۆر نزیكیەوە، تەنها یەك فیشەكی پێوە دەنێت، كەسی دووەم و سێهەمیش یەكی یەك فیشەكی پێوە دەنێن، لە رووی ئەمنیەوە ناكرێت هەر سێكیان بكوژبن كەس ئامادەی دابینكردنی ئاسایشی گروپەكە نەبێت لە كاتی كارەكەیاندا. 
سێهەم: كوژراو هیچ خوێنێكی لێنایەت و ئەو كەسەشی لەگەڵی دانیشتووە بەبێ كێشە رزگاری دەبێت زۆر بە ئاسایی رادەكات وەك ئەوەی خۆی لەناو پلانی بكوژەكاندا بێت. 
چوارەم: وێنەی ئەو دوو كەسەی بڵاو كراوەتەوە یەكیان قەڵەوترە لەوانەی لە گرتە ڤیدیۆییەكەدا دەردەكەون ناكرێت تەنها لە ماوەی یەك رۆژدا قەبارەی جەستەی مرۆڤ گۆڕانی بەسەردا بێت، ئەوە لە كاتێكدایە كە روخساری هەریەكە لە بكوژەكان و ئەو وێنانەی لەلایەن دژەتیرۆری كوردستانەوە بلاو كراوەتەوە جیاوازن بۆیە دەكرێت گریمانەی ئەوە بكەین بە شێوەیەكی ئاسایی بۆ دەربازبونیان روخساری خۆیان گۆڕی بێت، بەڵام ناكرێت قەبارەی جەستەیان بگۆڕن. 
پێنجەم: ناكرێت لە روداوێكدا 3 كەس كوژرابێت وتەنها 4 فیشەكی دەمانچە تەقێندرابێت لە كاتێكدا بكوژی یەكەم بەشێوەیەكی زۆر نزیك و دڵنیاییەوە هەردوو فیشەكەكە دەنێت بەسەری كوژراوەكەوە، هەردوو بكوژەكەی تریش ئەگەر بەشێوەیەكی ئاسایی گریمانەی ئەوە بكەین هەریەكەیان 2 فیشەكیشی تەقاندبێت ئەوا بە كۆی گشتی 6 فیشەك دەكات كە ئەوەش بەس نیە بۆ ئەوەی لەو روداوەدا زیاتر لە فیشەكێك بەر یەكێكیان بكەوێت و دوو كەسیتریش بكوژرێت. 
شەشەم: بكوژی یەكەم كە وەك تاوانباری سەرەكی روداوەكە ناسێندراوە لە كاتێكدا پێش رووداوەكە خواردنەوەیەكی لەبەردەستدیە و مۆبایلەكەی دەردەكات و  هەندێك سەیری دەكات دواتر دەمانچەكەی كە بە جەستەیەوە نیە بەڵكو لە شتێكیتردایە یان دانراوە هەڵیدەگرێت و تەقەكانی پێدەكات و لە دوای خۆی مۆبایلەكەی بەجێ دەهێڵێت. 
حەوتەم: لە پشتی كوژراوەكەوە هیچ مێزێك كەسی لەسەر دانەنیشتوە، واتە ناكرێت بڵێن بە فیشەكی كەسی دووەم و سێهەم ئەو دوو هاوڵاتیەی خەڵكی سنوری دیانا كوژراون، كەواتە دەبێت گریمانەی ئەوە بكەین كە بە تەقەی كەسی یەكەم كوژراوە بەڵام كەسی یەكەمیش تەنها دوو فیشەك دەتەقێنێت و زۆر دڵنیاشە لەوەی كە بەر سەری كوژراو كەوتووە. 
هەشتەم: لە تەنیشتی لای چەپی كوژراو تەنها موبەریدەیەك هەیە لەو دیو موبەریدەكە مێزێكیتر هەیە كە ئەومێزە چۆڵە، ئەگەر بڕیار بێت فیشەكی بكوژی یەكەم دوای كوژرانی كەسەكە دەرچێت و بەر كەسێكیتر بكەوێت ئەوە دەبێت بەر موبەریدەكە بكەوێت لەبەر ئەوەی ئاراستەی دەمانچەی بكوژی یەكەم لە ئاستی موبەریدەكەیە.
له‌ شیكاریه‌كه‌ی لڤیندا هاتوه‌ ،ئەوەی پێشتر لە میدیاكانی پارتی و میدیاكانی دەرەوەی پارتیش بڵاو كرایەوە لەسەر شێوازی رووداوەكە چیرۆكەكان جیاوازن لەگەڵ ئەو گرتە ڤیدیۆیەی بڵاو كراوەتەوە، لە ماوەی دوو رۆژی رابردووشدا بەشێوەیەكی ئاشكرا ناكۆكی نێوان هەریەكە لە نزیكەكانی نێچیرڤان بارزانی و مەسرور بارزانی لەسەر ئەو بابەتە فراوان بویەوە و لە میدیاوە رووبەڕوی یەكتری بونەوە و دواتر سەرجەم ئەو نوسینانە لە میدیاكانیانیان سڕدرانەوە. 
ئەوەش لە كاتێكدایە كە بەشێك لە میدیاكانی هەرێمی كوردستان باسیان لەوە كرد كە ئەو رووداوەی رویداوە بەهۆی ناكۆكی نێوان هەردوو ئامۆزاكە بووە، هێرشەكەش لەلایەن كەسێكی نزیك لە سەرۆكی هەرێمەوە ئەنجام دراوە.
38305 جار خوێندراوه‌ته‌وه‌
7/24/2019 2:51:04 PM
زیاتر ...
زۆرترین خوێندراو
  • 24 کاتژمێر
  • هەفتە
  • مانگ