ئابوری
زیاتر له‌ 11 ملیار دینار دزراوى موسڵ هێنراوه‌ته‌ كوردستان
 ئاڕاسته‌:چاوان حسام
ده‌ستپاكى عێراق:زیاتر له‌ 11 ملیار دینار دزراوى موسڵ هێنراوه‌ته‌ كوردستان ئەو بڕە پارەیە دەبوایە بۆ نۆژەنكردنەوەی دوو نەخۆشخانە لە ناوچەكە بەكاربهێنرایە ، بەڵام عاگوب بەرەو هەرێمی كوردستانی بردووە.

دەزگای دەستپاكی عێراق دەڵێت له‌ ڕاگه‌یه‌ندراوێكدا ڕایگه‌یاند:بەڕێوەبەرایەتی لیكۆڵینەوەی پارێزگای موسڵ ئەو بەڵگەنامانەی دۆزیوەتەوە كە دەیسەلـمێنن دیوانی پارێزگا لە سەردەمی پارێزگاری پـێشوو زیاتر لە (11) ملیار دیناری بردووە لەو بڕە پارەیەی لەلایەن وەزارەتی كۆچ و كۆچبەران تەرخان كرابوو بۆ یارمەتیدانی ئاوارەكانی پارێزگاكە.

تەواوی پارەكەی خوراوە بریتی بووە لە (11,312,258,000) ملیار دینارە كە دەكاتە نزیكەی (9.5) ملیۆن دۆلاری ئەمریكی ، دەشڵێت : لیكۆڵینەوەكانی كراون بوونەتە مایەی ئاشكراكردنی ئەوەی تەواوی پارەكە دەرهێنراوە و نەخراوەتە هیچ بانك و قاسەیەكی پارێزگاكە ، بەڵكو بەرەو هەرێمی كوردستان براوە.

كاربەدەستێك لە دەزگای نەزاهە بە ئاژانسی دەنگ‌ و باسی فڕانس پـرێسی وتووە، (نەوفەل عاگوب) پارێزگاری پـێشوو ، ئەوەی فەرمانی دەسـتگیركردنی دەرچووەو هەڵهاتووە، لە پشت ئەم پارەخواردنە بووە ، دەشڵێت: ئەو بڕە پارەیە دەبوایە بۆ نۆژەنكردنەوەی دوو نەخۆشخانە لە ناوچەكە بەكاربهێنرایە ، بەڵام عاگوب بەرەو هەرێمی كوردستانی بردووە.

جێگەی وەبیرهێنانەوەیە لە پاش لابردنی (نەوفەل عاگوب) لە پـۆستی پارێزگاری موسڵ لە مانگی سێدا، چەندان كەیسی گەندەڵی گەورەی نێو دیوانی پارێزگای موسڵ ئاشكرابوون.

وەزارەتی خەزێنەی ئەمریكا لە (18) ی ئەم مانگی حەوتە سزای سەپاندە سەر (نەوفەل عاگوب) بەپـێی یاسای (Magnitsky) ی جیهانی بۆ لێپـێچینەوە لە پـێشێلكارانی مافی مرۆڤ و گەندەڵكاران.
164 جار خوێندراوه‌ته‌وه‌
7/31/2019 9:34:47 AM
زیاتر ...

بیروڕا

زۆرترین خوێندراو
  • 24 کاتژمێر
  • هەفتە
  • مانگ