هەواڵ
سلێمانى ... په‌یمانگایه‌ك داده‌خرێت
 ئاڕاسته‌:به‌هار ئه‌حمه‌د

به‌هۆی پابه‌ند نه‌بون به‌ مه‌رج و رێنماییه‌كانی كاركردن، لیژنه‌ هاوبه‌شه‌كانی قائیمقامیه‌ت ئارایشتگایه‌كی خانمان‌ داده‌خات و سه‌رۆكی لیژنه‌كه‌ ده‌ڵێت: شوێنه‌كه‌ پابه‌ندی مه‌رجه‌كانى كاركردن نه‌بووه‌ بۆیه‌ داخراوه‌.

به‌پێى ڕاپۆرتێكى لیژنه‌ى ئارایشتگاكانى سه‌ربه‌لیژنه‌ هاوبه‌شه‌كانى قائیمقامیه‌تى سلێمانى  به‌هۆی سه‌رپێچیكردن له‌ مه‌رج و رێنماییه‌كانی كاركردن په‌یمانگاى ڕاوێژ بۆ جوانكارى ئافره‌تان داده‌خرێن.

له‌كاتی سه‌ردانی لیژنه‌كه‌ ده‌ركه‌وتوه‌ په‌یمانگاى ڕاوێژ له‌ گه‌ڕه‌كی ئه‌ندازیاران به‌ناوى خوازراوى ئارایشتگایه‌كى تر كاره‌كانى ئه‌نجام ده‌دات و بڕوانامه‌ى نێوده‌وڵه‌تى ده‌دات به‌ به‌شداربوانى په‌یمانگاكه‌ كه‌بڕوانامه‌ى نێوده‌وڵه‌تى له‌كوردستان و عێراقیشدا بوونى نیه‌.

به‌فه‌رمانی قائیمقامی سلێمانی په‌یمانگاى ڕاوێژ داده‌خرێت تا ئه‌وكاته‌ی پابه‌ندی مه‌رج و رێنماییه‌كانی كاركردن ده‌بێت.
368 جار خوێندراوه‌ته‌وه‌
8/8/2019 10:24:29 AM
زیاتر ...

بیروڕا

زۆرترین خوێندراو
  • 24 کاتژمێر
  • هەفتە
  • مانگ