هەواڵ
لەورۆژەی ئەم حکومەتە دەستبەکاربوە تەنیا ئەرکی سەرشانی فەرمانبەرانی قورستر کردوە
 ئاڕاستە

ئەندامێکی ئەنجومەنی نوێنەرانی عێراق رایدەگەیەنێت، لەورۆژەی حکومەتەکەی مەسرور بارزانی دەستبەکاربوە تەنیا ئەرکی سەرشانی فەرمانبەرانی قورستر کردوە بێ ئەوەی مافییان بدات.
لە هەژماری تایبەتی خۆی لە تۆڕی کۆمەڵایەتی فەیسبوک ،سەرکەوت شەمسەدین، ئەندامی ئەنجومەنی نوێنەرانی عێراق بڵاویکردوەتەوە، لەورۆژەی ئەم حکومەتە دەستبەکاربوە تەنیا ئەرکی سەرشانی فەرمانبەرانی قورستر کردوە بێ ئەوەی مافییان بدات.

ئاماژەی بەوەشکردوە: تەواوی هێزە بەشدارەکانی حکومەت لەبەردەم بەرپرسیاری مێژویدان کە ئایا تەسلیمی ئەجێندای بارزانی کوڕ دەبن و هەرێمی کوردستان دەکەنە دۆزەخی هەژاران و بەهەشتی سەرمایەداران، یان رایدەگرن و لەم هەنگاوە مەترسیدارانەی و بەهۆشیدێننەوە کە فەرمانبەرانی کوردستان هاوڵاتی پلەیەکن و غوڵام و میلەت نین  ئەویش ئاغا و خودانی ئەو خەڵکە نیە.
دەشڵێت: لە کاتێکدا زۆربەی هێزە سیاسەییەکان تەسلیمبونیان هەڵبژاردوە، ئێمە هەموو رێگایەکی دەستوری و یاسای دەگرینەبەر بۆ رێگریکردنی ئەم هەوڵە مەترسیدارانەی بارزانی کوڕ بۆ بە بارمتەگرتنی فەرمانبەران لەپێناو بەرژەوەندی کۆمپانیاکانی بنەماڵە.
9867 جار خوێندراوه‌ته‌وه‌
9/15/2019 1:41:20 PM
زیاتر ...
زۆرترین خوێندراو
  • 24 کاتژمێر
  • هەفتە
  • مانگ