هەواڵ
وڵاتی میسر هەڵوێستی خۆی ڕاگەیاند
 ئاڕاستە : هەردی حەسەن

دوابەدوای هێرشی سوپای تورکیا بۆسەر ڕۆژئاوای کوردستان وەزارەتی دەرەوەی  وڵاتی میسر داوای کۆبوونەوەی بەپەلەی کۆمکاری عەرەبی دەکات.

لە ڕاگەیەندراوێکدا کە بڵاوی کردۆتەوە "وەزارەتی دەرەوەی میسر هێرشەکانی دەوڵەتی تورکیای  بۆ سەر باکور و ڕۆژهەڵاتی سوریا بە شکاندن و پێشێلکردنی سەروەری خاکی سوریای ناوبردووەو  ئاماژەی بەوەکردووە کە ئەو هێرشە پێچەوانەی گشت یاسا نێودەوڵەتییەکانە.

وەداواشی کردوە لەوبارەیەوە کۆبوونەوەیەکی بەپەلەی کۆمکاری عەرەبی ئەنجام بدرێت ، چونکە  ئەم  هەنگاوەی تورکیا دژی یەکێتی خاکی سوریایەو  ئاسایشی ئەو ناوچەیە دەخاتە مەترسییەوە .

ئەوە لەکاتێکدایە بەشێکی زۆر لە بەرپرسانی وڵاتانی جیهان دژی هێرشەکانی وڵاتی تورکیان و لەوبارەیەوە هۆشداریان داوە بە دەسەڵاتدارانی تورکیا ، تائێستا هێرشەکانی تورکیا بۆ سەر خۆرئاوای کوردستان بەردەوامە .
752 جار خوێندراوه‌ته‌وه‌
10/9/2019 10:00:45 PM
زیاتر ...
زۆرترین خوێندراو
  • 24 کاتژمێر
  • هەفتە
  • مانگ