دۆسیە
وڵاتانی ئەوروپی وعه‌ره‌بی سەرکۆنەی هێرشی سوپای تورکیا ده‌كه‌ن؟
 ئاراسته‌:عه‌بدول نه‌جم
رۆژی چوارشەممە 9-10-2019، بە سەرپەرشتیی رەجەب تەییب ئەردۆغان، سەرۆک کۆماری تورکیا، هێرشی زەمینی و ئاسمانیی سوپای تورکیا و گرووپە توندڕەوەکانی ئۆپۆزیسیۆنی سووریا بۆ سەر رۆژئاوای کوردستان، لەژێر ناوی (کانیی ئاشتی)، دەستی پێ کرد.
وڵاتانی ئەوروپی وعه‌ره‌بی سەرکۆنەی هێرشی سوپای تورکیا بۆ سەر رۆژئاوای کوردستان دەکەن و بریاره‌كه‌ی تره‌مپ به‌ ناڕاست ده‌زانن

کۆماری فەرەنسا

جان ئیڤ لۆدریان، وەزیری دەرەوە رایگەیاندووە، ”پێویستە ئەو هێرشە بووەستێدرێ“، چونکە دەبێتە هۆی بێێزبوونی شەڕی دژی رێکخراوی تیرۆریستی داعش.
بەپێی زنیییە میدیاییەکان، وەزارەتی دەرەوەی فەرەنسا بۆ گەیاندنی ناڕەزایی وڵاتەکەی، ئێوارەی ئەمڕۆ پێنجشەممە 10-10-2019، بانگهێشتی باڵیۆزی تورکیا لە پاریس دەکات.
یەکێتیی ئەوروپا
جان کڵۆد یونکەر، سەرۆکی یەکێتیی ئەوروپا داوای راگرتنی هێرشەکەی کردووە و رایگەیاندووە، ”یەکێتیی ئەوروپا پارە بۆ دروستکردنی ناوچەی ئارام، دابین ناکات“.
ئەڵمانیا
هایکۆ ماس، وەزیری دەرەوەی ئەڵمانیا داوای لە تورکیا کردووە هێرشەکە رابگرێت و رایگەیاندووە، تورکیا بە ئەنقەست سەقامگیریی ناوچەکە تێک دەدات و هێرشەکەشی دەبێتە هۆی گەڕانەوە و سەرهەڵدانەوەی رێکخراوی تیرۆریستی داعش.
ناتۆ
ینس ستۆلتنبێرگ، سەرۆکی هاوپەیمانیی باکووری ئەتڵەسی (ناتۆ)، داوای لە تورکیا کردووە زیاتر سەقامگیریی ناوچەکە تێک نەدات.
هۆڵەندا
وەزارەتی دەرەوەی هۆڵەندا بۆ گەیاندنی ناڕەزایی وڵاتەکەی، بانگهێشتی باڵیۆزی تورکیای لە ئەمستردام کردووە.
بەریتانیا

دۆمینیک راب، وەزیری دەرەوەی بەریتانیا رایگەیاندووە، ”ترسی زۆر“ی بەهۆی هێرشەکەوە هەیە، کە دەبێتە هۆی بەهێزبوونەوەی داعش، تێکچوونی سەقامگیری و دروستبوونی قەیرانی مرۆیی.
رۆژی چوارشەممە دوای هێرشەکەی سوپای تورکیا، پێنج وڵاتی فەرەنسا، بەلجیکا، پۆڵەندا، ئەڵمانیا و بەریتانیا داوای کۆبوونەوەیەکی بەپەلەی ئەنجومەنی ئاسایشی نێودەوڵەتییان کرد.

هه‌روه‌ها ژمارەیەک وڵاتی عەرەبی دژایەتیی خۆیانبۆ هێرشی سوپای تورکیا بۆ سەر رۆژئاوای کوردستان (باکووری رۆژهەڵاتی سووریا)، رادەگەیەنن.
شانشینی عەرەبستانی سعودیە
بەرپرسێکی وەزارەتی دەرەوە سەرکۆنەی هێرشەکە دەکات و رایگەیاندووە، ”ئەو هێرشە دەستدرێژیکردنە بۆ سەر خاکی سووریا“.
ئیماراتی عەرەبیی یەکگرتوو
وەزارەتی دەرەوە بەیاننامەیەکی دەرکردووە و تێیدا هێرشەکەی بە ”دوژمنکاری“ ناوبردووە و رایگەیاندووە، هێرشەکە پێشهاتێکی مەترسیدار و دەستدرێژییەکی روونە بۆ سەر خاکی سووریا.
کۆماری عەرەبیی میسر
وەزارەتی دەرەوە بەیاننامەیەکی دەرکردووە و تێیدا رایگەیاندووە، ئەو هێرشە دەستدرێژییەکی روونە بۆ سەر سەروەریی خاکی سووریا.
هەر لە بەیاننامەکەدا، میسر داوای کردووە کۆمکاری عەرەبی کۆبوونەوەیەکی بەپەلە بۆ بەرپەرچدانەوەی هێرشەکەی تورکیا، رێک بخات.
شانشینی هاشمیی ئوردن
وەزارەتی دەرەوە لە بەیاننامەیەکدا سەرکۆنەی هێرشەکەی کردووە و داوای لە تورکیا کردووە هێرشەکەی رابگرێت.
دەوڵەتی کوێت
وەزارەتی دەرەوە لە بەیاننامەیەکدا رایگەیاندووە، هێرشەکە هەڕەشەیەکی راستەوخۆیە لە سەقامگیریی و ئاسایشی رۆژهەڵاتی ناوەڕاست و رێگری لە چارەسەری سیاسی بۆ کێشەکان، دەکات.
شانشینی بەحرێن
وەزارەتی دەرەوەی بەحرێن سەرکۆنەی هێرشەکەی کردووە و بە دەستدرێژی و پێشێلکردنی بنەماکانی یاسای نێودەوڵەتی هەژماری کردووە.

ئه‌مه‌ جگه‌ له‌ هه‌ڵوێستی حكومه‌تی هه‌رێمی كوردستان و سه‌رجه‌م لایه‌نه‌ سیاسیه‌كانی هه‌رێم كه‌ ئیدانه‌ی هێرشه‌كانی توكیا ده‌كه‌ن و هاوخه‌می و پشتیوانی خۆیان دوپات ده‌كه‌نه‌وه‌و بڕیاره‌كه‌ی سه‌رۆكی ئه‌مریكاش به‌ناڕاست ده‌زانن و سه‌ركرده‌ی لایه‌نه‌كانیش هه‌ڵویستی ڕونی خۆیان خستۆته‌ڕوو.
1001 جار خوێندراوه‌ته‌وه‌
10/10/2019 3:14:38 PM
زیاتر ...
زۆرترین خوێندراو
  • 24 کاتژمێر
  • هەفتە
  • مانگ