هەواڵ
پە کەکە..هە مو شە قام و ماڵێکیان لێ دەکەین بە ئاگرباران
 ئاڕاستە

پەکەکە ڕاگە یە ندراوێکی بڵاوکردوە ودەڵێت..ئەمە شەڕی مان و نەمانە ئیتر هەر شەقام و هەرماڵێكیان لێدەكەین بەئاگرباران و هەر ماڵێكیش دەكەینە بارەگای ڕوبەڕوبونەوە

دەقی بەیاننامەكە:
وەك ئاگادارین كە دەوڵەتی توركی فاشیست لەدوێنێوە پەلاماری ناوچەكوردیەكانی ڕۆژئاوای كوردستان دەدات و بەهۆی پەلامارەكەشەوە خەڵكی سڤیل دانیشتوانی ناوچەكە كەوتونەتە بەر هەڕەشەی هێزە داگیركارەكەی توركیا، دەستی بەداگیركردنی گوندە كوردەكان كردوەو بەنیازە پێشڕەوی بكاتە ناو شارەكانەوە.
لەئێستادا هێزێكی زاڵم لەگەڵ هێزێكی مەزڵوم كەوتۆتە شەڕێكی نابەرانبەرەوە، ئیتر ئەوەی لێی دەترساین ئێستا ڕودەدات ئێمە لای خۆمانەوە خەڵكی خۆمان لەناوەوە و دەرەوەی كوردستان ئاگادار دەكەینەوە كە بەهیچ شێوەیەك مل كەچكردن بۆ دەوڵەتی فاشیستی توركیا لەبەرنامەی ئێمەدا نیەو نابێت ، دەزانین ئەم شەڕە شەڕێكی سەخت وگرانە بەڵام ئەوە ئەو قەرزەیە كە ئیمڕۆ دەبێت بیدەینەوە بەمیلەتی خۆمان و ئەو پەیمان و بەڵێنانەیە كە وتومانە تا مردن بەرگری لەخاكی خۆمان دەكەین .
ئێمە لەم پێناوەدا بەدەیان هەزار شەهیدمان داوە و پاشگەز نابینەوەو لەسەر ڕێگەی پێشەوامان عەبدوڵا ئۆجەلان هەرگیز لانادەین ، ئەمە شەڕی مان و نەمانە ئیتر هەر شەقام و هەرماڵێكیان لێدەكەین بەئاگرباران و هەر ماڵێكیش دەكەینە بارەگای ڕوبەڕوبونەوەو تێكیان دەشكێنین و ئەو بیرە كۆنە پەرستانەیان لە خاكی ڕۆژئاوا دەنێژین .
لەناوچه‌ی‌ گرێ سپی هێزەكانی سوریای دیموكرات سێ ئۆتۆمبێلی سوپای توركیایان تێكشكاندو 22 چەكداریشیان كوشت. 
ئێواره‌ی‌ ئه‌مڕۆ پێنجشه‌ممه‌ 10ی‌ ته‌شرینی‌ یه‌كه‌م، هێزەكانی سوریای دیموكرات رایانگەیاند: لە گرێ سپی هێزەكانیان توانیویانە رێگری لەچونە پێشەوەی سەربازانی سوپای توركیا بكەن و لە ئەنجامی روبەڕوبونەوەیەكدا، سێ ئۆتۆمبێلی سەربازی سوپاكە تێكبشكێنن.
ئه‌وه‌شیان خستووه‌ته‌ڕوو كه‌ لەو شه‌ڕه‌دا هێزەكانیان توانیویانه‌ 22 چەكداری هێزە هاوپەیمانەكانی توركیا بكوژن كە لەچوارچێوەی ئۆپه‌راسیۆنەكانی توركیا بۆ سەر رۆژئاوای‌ كوردستان بەشداری دەكەن.
19716 جار خوێندراوه‌ته‌وه‌
10/10/2019 7:56:48 PM
زیاتر ...
زۆرترین خوێندراو
  • 24 کاتژمێر
  • هەفتە
  • مانگ