هەواڵ
سەرکردەیەکی یەکێتی..تورکیا بەشێک لە هەرێمی داگیرکردوە
 ئاڕاستە


ئارێزعەبدولڵە ئەندامی سەرکردایەتی یەکێتی نیشتمانی کوردستان لە نوسیێکدا دەڵێت..ماوەیەکى زۆرە تورکیا بەشێک لە هەرێمى کوردستانى داگیرکردوە. ئەوەش پێشێلێکى زەقى سەروەرى هەرێم و عێراق و یاسا نێودەوڵەتیەکانە، بۆیە پێویستە کۆتاى بەو داگیرکارییە بهێندرێ و هێزەکانیان بەخۆشى یان ناخۆشى لە هەرێمى کوردستان بکێشنەوە.


باس لەوەشدەکات..دواى پەلامارەکانى تورکیا بۆسەر رۆژئاوا پیلانە جەهەنەمیەکەى دژى کورد ئاشکرایە و دەزانین دەیەوێ بەزەبرى هێز ئایدۆلۆجیەتیەکەى خۆى بەسەر گەلى کوردستاندا بسەپێنێ. 

ئاماژەی بەوەشکردوە، ئەگەر سەیرکەین دەبینین لە کاتى سەر هەڵدانى داعشەوە تا هەڕەشەکانى بۆ سەر هەولێر تورکیا نەک هەر تەماشاکەر، بەڵکو هاوکار و پشتیوانێکى گەورەى بوو. دواى ئەوەیش لەسەر دەستى هێزەکانى سوریاى دیموکرات پایتەختى خەلافەتى داعش روخێندرا و تەخت و تاراجى تێک و پێک درا. تورکیا ئەمڕۆ بێ شەرمانە تۆڵە لەو رزگارکەر و ئازادیخوازانە دەکاتەوە کە مەترسی داعشیان تا هەتا لەناو برد. ئەو داعشەى بەهەزاران خەڵکى سفیل و سەدان پێشمەرگەى ئێمەى شەهید و کەمئەندام کرد بەدەست و فیتى تورکیا بەرەو کوردستان هات، کەچى ئەمڕۆ بەپاساوى روبەڕوبونەوەى پەکەکە خاکى ئێمە داگیر دەکات.
ئارێزعەبدولڵە دەشڵێت.. خەڵک و هێزى پێشمەرگەى کوردستان هەرکیز لەبیرى ناکەین ئەوانەى دوێنێ داعشیان بۆسەر ئێمە نارد ئەمڕۆ تۆڵەى لەناوبردنى داعش لە رۆژئاوا دەکەنەوە. پیلانەکەى تورکیا تەنیا رۆژئاوا نییە، بەڵکو هەرێمى کوردستانیشە، بۆیە دەبێ ئەو هێزە داگیرکارە بەزووترین کات وەدەر بندرێ.
1245 جار خوێندراوه‌ته‌وه‌
10/15/2019 2:19:09 PM
زیاتر ...
زۆرترین خوێندراو
  • 24 کاتژمێر
  • هەفتە
  • مانگ