هەواڵ
وەزارەتی پەروەردە بڕیارێكى نوێى ده‌ركرد
 ئاڕاسته‌:به‌هار ئه‌حمه‌د


وەزارەتی پەروەردەی حكومەتی هەرێمی كوردستان بڕیاریدا بەدرێژكردنەوەی داخڵكردنی داتای قوتابخانە و میلاكات بۆ بەرواری 9ی شوباتی 2020.


خۆگر خالید بەڕێوەبەری بەشی پلان لەبەڕێوەبەرایەتی گشتی پەروەردەی سلێمانی رایگەیاند: بەمەبەستی پێدانی كاتی زیاتر بە قوتابخانەكان بۆ تۆماركردنی زانیاریەكانیان بۆ سەر سیستەمی (e-Parwarda) بۆ داخڵكردنی داتای قوتابخانە و میلاكات، لەسەر داوای زۆربەی قوتابخانەكان و راهێنەرانی پەروەردەی قەزاكان و لیژنەكانی سیستەمەكە لە پەروەردەی گشتی پارێزگاكان، وەزارەت بڕیارێكی نوێی دەركرد.

 

ئاماژەی بەوەشكرد: لیژنەی e-Parwarda لە وەزارەتی پەروەردە بڕیاریدا بە درێژكردنەوەی ماوەی تۆماركردنی سیستەمی e-Parwarda تا بەرواری 9ی شوباتی 2020، كە ئەو بەروارە بۆ كۆتا جارە ماوەكەی درێژدەكرێتەوە، لە دوای ئەم رێكەوتەوە بەڕێوەبەری قوتابخانە بەرپرسیار دەبێت بەرامبەر هەر كەموكوڕییەك لە تۆماركردنی زانیارییەكانیان.
1985 جار خوێندراوه‌ته‌وه‌
1/18/2020 10:10:57 AM
زیاتر ...
زۆرترین خوێندراو
  • 24 کاتژمێر
  • هەفتە
  • مانگ