هەواڵ
سەرجەم چالاکییەکان لە ناوەندەکانی خوێندن ڕادەگیرێت
 ئاڕاستە : هەردی حەسەن



دوابەدوای کۆبونەوەی  نێوان هەریەک لە وەزارەتی (ناوخۆ - دارایی - پەروەردە و تەندروستی - فەرمانگەی دەرەوەی حکومەتی هەرێم و پارێزگاکان و بەرپرسی یەکە ئیداریەکان بڕیاردرا بە سەرجەم چالاکییەکان لە کۆڕ و سیمینار و ئاهەنگ و فیستفاڵ  لە ناوەندەکانی خوێندن ڕابگیرێت

لە ڕاگەیەنراوێکدا کە بۆ ئاڕاستە نێردراوە بەڕێوەبەرێتی پەروەردەی ڕانیە ڕایگەیاندوە " ئاماژە بەکۆبونەوەی  نێوان هەریەک لە وەزارەتی (ناوخۆ - دارایی - پەروەردە و تەندروستی - فەرمانگەی دەرەوەی حکومەتی هەرێم و پارێزگاکان و بەرپرسی یەکە ئیداریەکان ) لە بەرورای ٢٢/٢/٢٠٢٠ تێیدا بریاردار لەبەر سەلامەتی و خۆپاراستن و گرتنەبەری ڕێکاری خۆپارێزی لە فایرۆسی کۆرۆنا  سەرجەم چالاکییەکان لە کۆڕ و سیمینار و ئاهەنگ و فیستفاڵ  لە ناوەندەکانی خوێندن ڕابگیرێت بۆیە داواکارین تەواوی ناوەندەکانی خوێندن لە سنوری پەروەردەی ڕانیە لە سبەی یەک شەممە ٢٣/٢/٢٠٢٠ گشت چالاکیەکان لە گشت بوارەکاندا ڕابگیرێن بەو چالاکیانەش کە پەروەدەی ڕانیە مۆڵەتی داون چی ئەوانەی خۆتان چ ئەو مۆڵەتانەی کە بۆ ڕێکخراوە حکومی و ناحکومی و ڕێکخراو گروپەکان کروان ڕابگیرێت و  بۆیە ئێوە لای خۆتانەوە ڕێگەیان پێ مەدەن لەبەر سەلامەتی فێرخوازان و چونکە ئەم فایرۆسە لە قەلەباڵغی مەترسی زیاترە.

وە ئەوەشی خستۆتەڕوو " تەنها لەڕێگەی مامۆستای زانست لە قوتابخانە و خوێندنگا یاخود لەڕێگەی بەڕێوەبەرەوە دەتوانن لە ناو پۆلەکاندا زانیاری لەسەر کۆڕۆنا فایرۆس بدەن بەپێچەوانەوە سەرجەم چالاکی و کۆروسیمینار و گەشتی زانستی و کۆکردنەوەی قوتابیان بۆ کۆڕ و سیمینا و چالاکی قەدەغەیە چی هی خۆتان بێت چی هی لایەنی حکومی و ڕێخراوەکان بێت تەنانەت ئەگەر مۆڵەتی پەروەردەشیان هەبێت و ئێوەی بەڕێزیش ئاگادار دەکەینەوە کە نوسراو بۆ گەشتی زانستی و ئەنجام دانی کار و چالاکی و کۆرو سیمینار ئاراستەی پەروەردەی ڕانیە مەکەن چونکە مۆڵەتان پێ نادرێت" .



408 جار خوێندراوه‌ته‌وه‌
2/23/2020 11:10:51 AM
زیاتر ...
زۆرترین خوێندراو
  • 24 کاتژمێر
  • هەفتە
  • مانگ