هەواڵ
شاناز ئیبراهیم ئەحمەد دكتۆر خەسرەو مام قادر بەسەر کردەوە
 ئاڕاسته‌:به‌شى هه‌واڵ

ئەمڕۆ ۲۳-۲-۲۰۲۰، شاناز ئیبراهیم ئەحمەد ئەندامی سەركردایەتی یەكێتی هاوڕێ لەگەڵ ئارێز عەبدوڵڵا ئەندامی سەركردایەتی یەكێتی، لەسەردانێكدا بەمەبەستی هەواڵپرسین لەتەندروستی كادری پێشكەوتوو و پێشمەرگەی دێرین د.خەسرەو مام قادر-یان لەشاری سلێمانی بەسەركردەوە.
لەسەردانەكەیاندا وێڕای هەواڵپرسین و هیواخواستن بۆ زووچاكبوونەوە، خاتوو شاناز جەختی لەوەكردەوە  بەوپەڕی ڕێزەوە لە كۆڵنەدان و تێكۆشانی خێزان و بنەماڵە تێكۆشەرەكەتان دەڕوانین و هەرگیز قوربانی و خەباتتان لەیاد ناكەین.
د.خەسرەو مام قادر لەبنەماڵەیەكی تێكۆشەرو نیشتمانپەروەرە و شەهیدبوونی ( عەلی مام قادر و ووریا مام قادر )ی براشی شاهیدی ئەو ڕاستیەن كە ئەم بنەماڵە تێكۆشەرە هەمیشە قوربانیانداوە لەپێناو سەرخستنی شۆڕش و كورد و كوردستاندا، بۆ هەر ئەركێكیش لەو پێناوەدا ڕاسپێردرابێتن درێغیان نەكردوە.
د.خەسرەو مام قادر، پێشتر و بەر لەنەخۆش كەوتنی چەندین پۆستی حكومی و حزبی لە ناو یەكێتیی نیشتمانیی كوردستاندا بەسەركەوتوویی بەڕێوەبردووە.
133 جار خوێندراوه‌ته‌وه‌
2/23/2020 10:09:19 PM
زیاتر ...
زۆرترین خوێندراو
  • 24 کاتژمێر
  • هەفتە
  • مانگ