هونەر
لارا ڕێبوار..وێنەكێشان خەونێكی مناڵیمە
 ئاڕاستە

لارا ڕێبوار ستار كچە بەهرەمەندێكی بەتوانای وێنەكێشانە ، وێنە و تابلۆكانی لارا هەمەڕەنگن و هەر تابلۆیەكی گوزارشتێكە لە دیدگایەك بۆ داهاتوو .

لارا خەڵكی شاری سلێمانییە و لە خێزانێكی مام ناوەندە و پارساڵ بەشی ئینگلیزی لەكۆلێژی پەروەردەی بنەڕەتی زانكۆی سلێمانی تەواوكردەوە و ئێستا لەماڵەكەیدا و زۆرترین كاتەكانی بە وێنەكێشان بەسەر دەبات و هاوڕێیەی نزیكی  فڵچە و رەنگەكانە و چێژێكی زۆر لەوێنەكێشان دەبینێت.
بەخولیایەكی سەردەمی مناڵی خۆی دەزانێت ، كە هەرلەمناڵیەوە خولیای وێنەكێشان بووە و هەمیشەش بەمناڵی حەزی زۆری بۆ وێنەكێشان هەبووە ئەو خوولیایە ئێستا بۆتە دەست ڕەنگینی وەك بەهرەیەك وایە، لارا لەڕێگەی بەهرەكانیەوە توانییەتی ببێتە خاوەنی چەندین تابلۆی جوان و سەرنجڕاكێش و بەشێكی وێنەكانی خەیاڵیە كە لە خەیاڵی خۆیدا نەخشەی كێشاوە هەریەكە و بەجۆرێك هەروها ئارەزوی وێنەكێشانی ئەنیمەیشنی هەیە .
لارا ئەو كەرەستە و فڵچە و رەنگانەی بەكاریان دەهێنێت لەكاتی وێنە كێشاندا زیاتر فڵچەی داروقەڵەم  و بۆیەی  (ئەكریلیك وبۆیەی ئاوی)ن ، لارا جگە لەوێنەكێشان زۆر بەباشی زمانی ئینگلیزیش دەزانێت و ئەوكاتەناشی  سەرقاڵ نیە گوێ لەموزیك دەگرێت و بەكەسێكی هێمن و لەسەرخۆ ناسراوە لەناو خانەوادە و بنەماڵە و وهاوڕێكانیدا ، حەزیشی بەگەشتە هەمیشە. هاوڕێیەكی زۆر نزیكی باوك ودایك  و براكەشێتی ، لارا ئاواتە خوازە ببێتە وێنەكێشێكی ناسراو و دیار و هیواخوازیشە لەداهاتوودا ببێتە خاوەنی پێشانگایەكی وێنەی وێنەكانی خۆی وداهاتەكەشی بكاتە دیاری بۆ خێزانە هەژار و كەم دەرامەت وخانەوادەی شەهیدە نەمرەكانمان هەروەها خاتوو لارا پێشتر لەخوێندنگەو لەچەند پێشانگایەکدا بەچەند تابلۆیەک بەشداری کردوەکە داهاتەکەی بۆ ماڵەهەژارەکان بوە،ئەوباس لەوەش دەکات کە وێنەكانیشم پێشكەشی ڕۆحی سەرۆك مام جەلال دەكەم چونكە هەر لەمناڵیمەوە زۆرم خۆشویستووە.

122 جار خوێندراوه‌ته‌وه‌
1/28/2021 4:19:34 PM
زیاتر ...
زۆرترین خوێندراو
  • 24 کاتژمێر
  • هەفتە
  • مانگ