هەواڵ
لەسلێمانی.بکوژی شۆفێری ماتۆڕسکیلەکە دەستگیرکرا
 ئاڕاستە

شەوی ڕابردوو لەشەقامی بازنەیی مەلیك مەحمود لە ڕوداوێكدا شۆفێرێك بە ئۆتۆمبێل لەماتۆرسكیلێكی داو هەڵات .

 دوای گەیشتنی هێزەكانی پۆلیس كەشف و هێڵكاری شوێنی ڕوداوەكە كرا و شۆفێری ماتۆڕسكیلەكە بەناوی ( ه ، ع ، أ ) لەدایكبووی 1993 ، بەبرینداری بۆنەخۆشخانە گواسترایەوە بەڵام بەهۆی سەختی برینەكەیەوە گیانی لەدەستدا .

بەڕێوەبەری پۆلیسی پارێزگای سلێمانی بەشی پۆلیسی ڕۆژهەڵات  - بنكەی پۆلیسی سەیوانی ڕاسپارد كە هەستن بە دۆزینەوەو دەستگیركردنی تۆمەتبار .

دوای وەرگرتنی بڕیاری بەڕێز دادوەر ، لێكۆڵینەوە لەڕوداوەكە کراو توانرا لە ماوەیەكی كەمدا و بەسود وەرگرتن لەكامێرا چاودێرییەكانی سنورەكە لەلایەن بنكەی پۆلیسی سەیوانەوە تۆمەتبار دەستگیربكرێت و دەستیش بگیرێت بەسەر ئۆتۆمبێلەكەیدا .

لەئێستادا تۆمەتبار (   د، ف ، ح  لەدایكبووی 1988   ) بەبڕیاری بەڕێز دادوەر ڕاگیراوەو لێكۆڵینەوە لەگەڵیدا بەردەوامە .

بەڕێوەبەرایەتی پۆلیسی پارێزگای سلێمانی – ڕاگەیاندن و پەیوەندییەكان

103 جار خوێندراوه‌ته‌وه‌
1/28/2021 4:31:52 PM
زیاتر ...
زۆرترین خوێندراو
  • 24 کاتژمێر
  • هەفتە
  • مانگ