هەواڵ
کاریگەرییەکانی میسر لە ڕۆژهەڵاتی ناوەڕاست
 ئاڕاسته‌:شانیا حه‌سه‌ن

سیمینارێک لەسەر کاریگەرییەکانی میسر لە ڕۆژهەڵاتی ناوەڕاست لەلایەن نوێنەری (ی. ن. ک) لە وڵاتی میسر سازکرا.
ئەمڕۆ پێنج شەممە جەزای سەید مجید لێپرسراوی مەڵبەندی ١ی ڕێکخستنی سلێمانی لە هۆڵی شەهید (جەمال علی باپیر) لە بارەگای مەڵبەندی ١ی ڕێکخستنی سلێمانی، بە ئامادەبونی ژمارەیەک لە هەڤاڵان لە مەکتەبی سیاسی و سەرکردایەتی یەکێتیی، لەگەڵ ژمارەیەک لە هەڤاڵان لە مەڵبەندی سلێمانی، بۆردی توێژینەوە و ڕوناکبیری مەکتەبی بیر و هۆشیاری، بە هەماهەنگی بۆردی پەیوەندییە هەرێمایەتییەکانی مەکتەبی پەیوەندییەکان، سیمنارێکی بەناوی (کاریگەرییەکانی میسر لە ڕۆژهەڵاتی ناوەڕاست) بۆ (مەلا یاسین) نوێنەری (ی. ن. ک) لە وڵاتی میسر ڕێکخست. 

لەو سیمینارەدا لێپرسراوی مەڵبەند دەستخۆشی بۆ هەردوو بۆردەکە دەربڕی کە هەستاون بە ڕێکخستنی سیمنارەکە و هیوای سەرکەوتنی بۆ (مەلا یاسین) نوێنەری یەکێتیی لە وڵاتی میسر خواست، هەروەها پاڵپشتی و هاوکاری مەڵبەندی بۆ دووپاتکردنەوە. 

پاشان (مەلا یاسین) لە چوار تەوەردا باسی لە گرنگی پێگەی ستراتیژی میسر و بەرواردکاری لەنێوان ماوەی دەسەڵاتی (حوسنی موبارەک) و سەردەمی سەرۆكایەتی عەبدولفەتاح سیسی كرد، ئاماژەی بەعیراق و هەرێمی كوردستان كرد لەتێڕوانینی سیاسیەت و ستراتیژی میسردا، پەیوەندی میسر لەگەڵ هەرێمی كوردستان و بەشەكانی تری كوردستان تەوەرێکیتری سیمنارەکە بوو.

106 جار خوێندراوه‌ته‌وه‌
5/6/2021 6:43:57 PM
زیاتر ...
زۆرترین خوێندراو
  • 24 کاتژمێر
  • هەفتە
  • مانگ