هەواڵ
ئاڕاسته‌ واده‌ی كردنه‌وه‌ی قوتابخانه‌ و كۆتایی هاتنی پڕۆسه‌ی خوێندنی ئه‌مساڵ ئاشكرا ده‌كات
 ئاڕاسته‌:چاوان حسام
قوتابخانه‌كان له‌ هه‌فته‌ی داهاتووه‌ وه‌ ده‌كرێته‌وه‌ له‌هه‌مان كاتدا واده‌ی كۆتای هاتنی خوێندنی ئه‌مساڵیش 22 ی 6 ی 2021 ده‌بێت.

بەپێی ئەو زانیارییانەی ده‌ست ئاڕاسته‌ كه‌وتووه‌ ئه‌وه‌ ئاشكرا كراوه‌ : لەلایەن وەزارەتی پەروەردەو هەروەها وەزارەتی تەندروستیش كۆدەنگییەك دروست بوە، لە دوای پشووی جەژن ڕاستەوخۆ دەرگای ناوەندەكانی خوێندن بەڕوی قوتابیان و خوێندكاراندا بكرێنەوە، بەجۆرێك لە 16/5/2021 پرۆسەی خوێندنی ناو پۆل دەستپێبكاتەوەو لەهەفتەیەكیشدا تەنیا سێ رۆژ دەوام بكرێت.

وتیشی: وەزارەتی پەروەردە بەبێ‌ گەڕانەوە بۆ كۆبونەوەی لیژنەی باڵای ڕوبەڕو بونەوەی كۆرۆنا خشتەی دەستپێكردنەوەو كۆتایی هاتنی پرۆسەی خوێندنی ئەمساڵی دیاریكردوەو نوسراوی فەڕمیش ئاراستەی سەرجەم بەڕێوەبەرایەتییە گشتیەكانی پەروەردە كراوە لەپارێزگاكانی هەرێم، بەپێی نوسراوەكەش لە 22/6/2021 كۆتایی بە پرۆسەی خوێندنی ئەمساڵ دەهێندرێت. 

ئەوەشی ئاشكراكردووه‌: لەدواین كۆبوونەوەی ئەنجومەنی وەزارەتی پەروەردە، بەڕێوەبەرە گشتییەكانی پەروەردە ڕاسپێردراون كە بە بەڕێوەبەری پەروەردەی قەزاو ناحییەكان بڵێن لەڕێگەی بەڕێوەبەری قوتابخانەكەوە مامۆستایان ئاگاداربكرێنەوە كە هەموو كارئاسانییەك بكەن بۆ قوتابیان و خوێندكاران بۆ ئەوەی لە پۆلێكەوە بچنە پۆلێكی دیكە، بەجۆرێك دەرچون و دەرنەچون لەپۆلی یەك تا پۆلی 11 ئارەزو مەندانە بێت، لە حاڵەتێكدا ئەگەر كەسوكاری قوتابی پێی باش نەبوو قوتابیەكەی دەرنەچێت ئەوا لە هەمان قۆناغ دەهێڵدرێتەوە.

ماوه‌ی دوو ساڵه‌ به‌شێكی زۆر له‌ خوێندكاران ناتوانن سود له‌ خوێندن ببینن به‌هۆی بڵاو بوونه‌وه‌ی كۆرۆناوه‌ له‌هه‌مان كاتدا خوێندكارانی 1 تا 3 ی بنه‌ڕه‌تی به‌ نه‌خوێنده‌وار ده‌درێن له‌قه‌ڵه‌م چونكه‌ نه‌یانتوانیوه‌ هیچ فێرببن.
410 جار خوێندراوه‌ته‌وه‌
5/8/2021 9:41:56 AM
زیاتر ...
زۆرترین خوێندراو
  • 24 کاتژمێر
  • هەفتە
  • مانگ