هەواڵ
لە هەڵەبجە دوو گەنج لەکاتی مەلەکردندا خنکان
 ئاڕاستە
دوانیوەڕۆی ئەمڕۆ چوارشەممە، لە كاتی مەلەكردنیان لە ئاوی سازان لە سنووری پارێزگای هەڵەبجە دوو گەنجی دانیشتووی هەڵەبجە كە لەگەڵ كۆمەڵێك هاوڕێی دیكەیان ڕۆشتبوونە ناوچەكە خنكان، پۆلیس و لایەنە پەیوەندیدارەكانیش گەیشتونەتە شوێنی رووداوەكە.

بە گوێرەی زانیارییەکان دوانیوەڕۆی ئەمڕۆ كۆمەڵێك گەنجی هەڵەبجە بە مەبەستی مەلەكردن و ڕاوەماسی دەڕۆنە ناوچەی سازان و لە ئاوی سازان دەست بەمەلەكردن دەكەن، بەڵام بەهۆی نەشارەزاییان و قوڵی ئاوەكە لەو شوێنەی مەلەیان تیادا كردووە، دوو لە گەنجەكان دەخنكێن.

گەنجەكان تەمەنیان لە نێوان 25 ساڵ تا 30 ساڵدایە و یەكێك لە گەنجەكان ناوی (ڕەوەند)ە و ئەویدیكەشیان ناوی (عەلی)یە و دانیشتووی پارێزگای هەڵەبجە.

هاوکات بەهۆی سەختی ناوچەكەوە لە ئێستادا هاووڵاتیان و هێزەكانی پۆلیس ڕۆشتوون بەدەم ئەو گەنجانەی دیكەوە و هاوكات تەرمی دوو خنكاوەكەش دەرهێندراونەتەوە و لێكۆڵینەوەی زیاتریش لەڕووداوەكە دەستپێكردووە
111 جار خوێندراوه‌ته‌وه‌
6/2/2021 4:03:03 PM
زیاتر ...
زۆرترین خوێندراو
  • 24 کاتژمێر
  • هەفتە
  • مانگ