هەواڵ
وەزارەتی پێشمەرگە ڕاگەیەنراوێکی لەسەر شەهیدبوونی پێنج پێشمەرگەکە بڵاوکردەوە
 ئاڕاستە
وەزارەتی پێشمەرگە لە راگەیەندراوێكدا وتی: بەرەبەیانی ئەمڕۆ شەممە، هێزێكی پێشمەرگە لە چیای مەتینای قەزای ئامێدی كەوتونەتە بۆسەیەكی هێزێكی پەكەكەو لە ئەنجامدا پێنج پێشمەرگە شەهیدبون و دوانی دیكەش برینداربون.

وەزارەتی پێشمەرگە، كەمێك لەمەوبەر لە راگەیەندراوێكدا ئەوەی خستەڕوو،"بەرەبەیانی ئەمڕۆ ٥ی حوزەیرانی ٢٠٢١، هێزێکی پێشمەرگە لەکاتی ئەنجامدانی ئەرکێکی سەربازی لەچیای مەتینی قەزای ئامێدی، بەمەبەستی پاراستنی خەڵک و گوندەکانی ئەم ناوچەیەو گەڕاندنەوەی ئاسایش بۆ دەڤەرەکە، لەلایەن هێزێکی (پ. ک. ک.)ەوە بۆسەیەکیان بۆ دانراوە، لە ئەنجامدا پێنج پێشمەرگە شەهید بون دو پێشمەرگەی تریش برینداربون."

وەزارەتی پێشمەرگە دەشڵێت،"پێشتریش هۆشداریمان دابو، لەئەگەری رودانی روداوی لەو شێوەیە، دەبێ هەموان رێز لەسنوری هەرێم بگرن و ئاسایش و سەقامگیری هەرێمی کوردستان نەخەنە مەترسییەوە."

بەیانی ئەمڕۆ هەواڵی شەهیدبوونی پێنج پێشمەرگە و بریندرابوونی چوار پێشمەرگەی دیکە لە چیای مەتینی قەزای ئامێدی بڵاوکرایەوە.
143 جار خوێندراوه‌ته‌وه‌
6/5/2021 11:33:41 AM
زیاتر ...
زۆرترین خوێندراو
  • 24 کاتژمێر
  • هەفتە
  • مانگ