هەواڵ
جەزای سەید مەجید چەند شوێنێکی لە ناحیەی پیرەمەگرون بەسەرکردەوە
 ئاڕاستە
ئەمڕۆ چوارشەممە ڕێکەوتی ٢٠٢١/٦/٢ جەزای سەید مەجید، لێپرسراوی مەڵبەندی ۱ی ڕێکخستنی سلێمانی سەردانی ناوچەی پیرەمەگرونی کرد و  بە یاوەری  لێپرسراوی کومیتەی ۱٤ی ڕێکخستن چەندین شوێن و ماڵی ناوچەکەی بەسەرکردەوە.

سەرەتای سەردانەکە بۆ کۆمیتەی پیرەمەگرون بوو بەمەبەستی لەنزیکەوە ئاگاداربون لەکاری نۆژەنکردنەوەی بینای کۆمیتەکە.

پاشان بە یاوەری لێپرسراوی کۆمیته و نوێنەری لیژنەی کارو باری کۆمەڵایەتی کۆمیتەکە سەردانی گوندی (گولیجە)ی کرد و ماڵی (حاجی ئەمین عزیز) ئاغای گوندەکەی بەسەرکردەوە.

دواتر لە گوندی (کانی شۆک) سەردانی ماڵی هەڤاڵ فەرهادی کرد بۆهەواڵپرسین لە دۆخی دایکیان کەباری تەندوستی ناجێگیرە و لە بنەماڵەیەکی خاوەن شەهیدی سەربەرزن.

لەچوارچێوەی سەردانەکەدا، لێپرسراوی مەڵبەند بەشداری پرسەی(ڕزگار حەمە کەریم ) سوسێی  برازای شەهید (قادر چاوشین)ی کردو سەرەخۆشی خۆی ئاڕاستەکردن.

هەروەها لێپرسراوی مەڵبەند سەردانی هەردوو پڕۆژەی ( سایلۆ)ی  پیرەمەگرون – سلێمانی و کارگەی جگەرەی (زێوێ)ی کرد و بەوردی گوێی لە داوا و کێشەکانیان گرت.

هاوکات جەزای سەید مەجید لە لێدوانێکدا بۆ ئاڕاستە وتی ،" بۆهەموو کارێکی یاسایی پشتیوان و پاڵپشتی خەڵکی ناحیەی پیرەمەگرون دەبین و هاوکارێکی باشی حکومەت دەبین و داوا ڕەوەکانی خەڵکی سنورەکەش بێ جیاوازی بیرو ڕاو و ئایدیا بەدواداچونی بۆ دەکەین و بەداوای خۆشمانی دەزانین".

127 جار خوێندراوه‌ته‌وه‌
6/9/2021 5:00:03 PM
زیاتر ...
زۆرترین خوێندراو
  • 24 کاتژمێر
  • هەفتە
  • مانگ