هەواڵ
شێخ نەهرۆی کەسنەزانی گردبونەوەیەکی گەورە لە سلێمانی ئەنجام دەدات
 ئاڕاستە
شێخ نەهرۆ محەمەد كەسنەزانی، سەرۆكی تەریقەتی كەسنەزانی لەجیهاندا ڕایدەگەیەنێت کە گردوبونەوەیەکی گەورە لە سلێمانی ئەنجام دەدات و داوایكرد سۆفیەكانی جیهان هەوڵەكانیان یەكبخەن‌و دژ بەبیرۆكەكانی توندڕەوی بوەستنەوە.

شێخ نەهرۆ لەلێدوانێكی ڕۆژنامەوانیدا ئاشكرایكرد، كار بۆ گردبونەوەیەكی جیهانی دەكات لەشاری سلێمانی كە گەورە پیاوان‌و ڕابەرەكانی تەسەوفی ئیسلامی لەهەموو جیهان بەشداری تێدا بكەن.

بەوتەی شێخ نەهرۆ، "لەهەوڵی یەكخستنی هەمو سۆفیەكانی جیهانم بۆ خستنەڕوی چەند دەستپێشخەریەك كە لەبەرژەوەندی نەك بەتەنها كۆمەڵگاكانی عەرەب‌و ئیسلام بێت، بەڵكو لەبەرژەوەندیی مرۆڤایەتیە بەگشتی".

ڕونیشیكردەوە، "لەماوەی داهاتوودا لەهەموو ڕویەكەوە هەماهەنگی لەگەڵ سۆفیەكانی جیهاندا دەكەین بۆ یەكخستنی وتارەكانمان‌و وەلانانی ئەو نەرێنیانەی لەماوەی ڕابردوودا هەبوەو ڕویانداوە".

ئه‌م هه‌وڵه‌ى شێخ نەهرۆ له‌و چوارچێوه‌دایه‌ كه‌ له‌سه‌ره‌تاى ئه‌مساڵدا جه‌ختیكرده‌وه‌، سلێمانی دەکاته‌ پایتەختی تەسەوف.
443 جار خوێندراوه‌ته‌وه‌
6/16/2021 3:03:15 PM
زیاتر ...
زۆرترین خوێندراو
  • 24 کاتژمێر
  • هەفتە
  • مانگ