زانست
تەلەفزیۆنێکی نوێ بەرهەم دێت کەنادزرێت
 ئاڕاستە

دزینی شتێکی بچوک وەک مۆبایل رەنگە ئاسانتر بێت بەبەراورد بەتەلەفزیۆن یان ئامێرێکی ئەلکترۆنی گەورە، بەڵام هەندێ کەس گوێ ناداتێ و تەلەفزیۆنیش دەدزێت. 

لەمانگی رابردوودا و لەباشوری‌ ئەفریقا چەندین رووداوی دزیکردن لەدوکانی ئامێرە کارەباییەکان روویدا و تەلەفزیۆن دزرا.

ئەمەش زیانێکی مادی زۆری‌ بەکۆمپانیا و بریکارەکانی‌ تەلەفزیۆن گەیاندوە، لەوبارەیەوە کۆمپانیای‌ سامسۆنگ رایگەیاندووە کەتایبەتمەندیەکی نوێ چالاک دەکات کەبە (تی ڤی بلۆک) ناسراوە و ئەمەش بۆ رێگرییە لەهەر هەوڵێکی دزی کردن و رێگری لەدووبارە فرۆشتنەوەی‌.

کۆمپانیاکە رایگەیاندوە کەئەم تایبەتمەندییە نوێیە رێگری دەکات لەدووبارە بەکارهێنانەوەی‌ ئامێرە دزراوەکان، ئەمەش بازاڕی‌ رەش سنوردار دەکات. 

ئەم تەلەفزیۆنە هەرکات بەسترایەوە بەئینتەرنێتەوە یەکسەر بلۆک دەبێت بەشێوەیەکی‌ ئۆتۆماتیکی. 

ئەمەش بەوپێیەی‌ کۆدی تەلەفزیۆنە دزراوەکە لەسەر سێرڤەرەکانی سامسۆنگ هەیە و دەبێتە هۆی‌ بلۆک کردنی بەکارهێنانی بەو جۆرە کەسەکە ناتوانێ بەکاری‌ بهێنێت ئەگەر لەئینتەرنێتیشی بکاتەوە.

212 جار خوێندراوه‌ته‌وه‌
9/2/2021 3:37:34 PM
زیاتر ...
زۆرترین خوێندراو
  • 24 کاتژمێر
  • هەفتە
  • مانگ