هەواڵ
وەڵامی هاوڵاتیان بۆ کاندیدەکانی هاوپەیمانی کوردستان دڵخۆشکەرە
 شادان حەسەن
ئه‌مڕۆ 19-9-2021، ئاوات محه‌مه‌د ئەندامی سەرکردایەتی ی ن ک بە ئامادەبوونی ئاراس کەمال، لێپرسراوی کۆمیتەی ئیبراهیم ئەحمەد  د. نەرمین مەعروف و نوێنەری مەکتەبی رێکخستن، لەگەڵ کادیرانی کۆمیتەی ئیبراهیم ئەحمەد کۆبووەوە،بەمەبەستی راگۆڕینەوەو گەیاندنی نوێترین پەیام و راسپاردەکان.
له‌كۆبونه‌وه‌كه‌دا ئاوات محه‌مه‌د رایگه‌یاند: ئەم هەڵبژاردنە بۆ کورد و یەکێتی چارەنوسسازە و پێویستمان بەوەیە تیمێکی بەهێز بنێرینە بەغدا بۆئەوەی شەری مافەکانمان بکات، قۆناغی داهاتوو مەترسی گەورە بۆسەر مافە دەستورییەکانمان دروست دەبێت، شەڕی مافەکانیش تەنها بە هاوەیمانی کوردستان دەکرێت.
وتیشی "ئەو هاوپەیمانییەی نێوان یەکێتی و گۆڕان لە بەرژەوەندی نەتەوەکەمان و سنورەکەشمان دەبێت، ئه‌وه‌ش سەرەتایەکی باشە بۆئەوەی بتوانین زیاتر خزمەتی خەڵکی خۆمان بکەین".

به‌وته‌ی‌ ئه‌و ئه‌ندامه‌ی‌ سه‌ركردایه‌تی‌ ی ن ک،  یاسای هەڵبژاردن جیاوازە لەگەڵ هەڵبژاردنەکانی پێشتر، دەبێت بە هاوڵاتیان بگەیەندرێت کە بازنەکان جیاکراوەتەوە و کاندیدی تایبەت بەخۆی هەیەو دەبێت دەنگدەرانی هەر بازنەیەک دەنگ بە کاندیدی ئەو بازنەیە بدەن.

لای‌ خۆیشیه‌وه‌ د.نەرمین مەعروف ئاماژەی بە مەترسییەکانی ئەم قۆناغە کرد کە لەسەر کورد هەیە و جەختیکردەوە کە لە بەغدا کەمتەرخەم نابن و خۆیان بۆ ئەرکێکی قورس ئامادە کردووە.
له‌كۆتایی‌ كۆبونه‌وه‌كه‌ش کادیرانی سنورەکە باسیان لەوە کرد کە وەڵامدانەوەی هاوڵتیان بۆ تیمەکانی بانگەشەی هاوپەیمانی زۆر دڵخۆشکەرە.

105 جار خوێندراوه‌ته‌وه‌
9/19/2021 1:23:08 PM
زیاتر ...
زۆرترین خوێندراو
  • 24 کاتژمێر
  • هەفتە
  • مانگ