ئابوری
مووچه‌ی ئه‌م وه‌زاره‌ته‌ ده‌كرێته‌ ئه‌لكترۆنی
 ئاڕاسته‌:چاوان حسام
بە ئەلیکترۆنیکردنی موچەی پێشمەرگە هەنگاوێکە لە هەنگاوەکانی پرۆسەی چاکسازیی وەزارەتی پێشمەرگە کە پێدانی موچەیە بە شێوەی چەکی بانکی.

سه‌نته‌ری میدیا و زانیاری وه‌زاره‌تی پێشمه‌رگه‌ لەراگەیەنراوێکدا ئاماژه‌ی به‌وه‌كردووه‌، رۆژی سێشەممە عەمید توانا سدیق بەڕێوەبەریی گشتیی ژمێریاری و بودجە و بەرنامەکانی وەزارەتی پێشمەرگە، سەرپەرشتی کۆبونەوەیەکی کرد کە تیایدا عەمیدی ئەندازیار نەبەز سەڵاح بەڕێوەبەری بەڕێوەبەرایەتیی چاکسازی و کۆڵۆنێڵ (پاوڵ ڤۆس) ڕاوێژکاری سەربازیی سوپای هۆڵندا لە وەزارەتی پێشمەرگە ئامادەی بون، لەگەڵ تیمی بە ئەلیکترۆنیکردنی موچەی پێشمەرگە کە تیمێکی هاوبەشی نێوان هەردوو بەڕێوەبەرایەتیی ژمێریاریی سەربازی و بەڕێوەبەرایەتیی چاکسازیی وەزارەتی پێشمەرگەیە.

ئاماژە بەوەش كراوە: بە ئەلیکترۆنیکردنی موچەی پێشمەرگە هەنگاوێکە لە هەنگاوەکانی پرۆسەی چاکسازیی وەزارەتی پێشمەرگە کە پێدانی موچەیە بە شێوەی چەکی بانکی.

وه‌زاره‌تی پێشمه‌رگه‌ ئەوەش خراوەتەتەڕوو: لە کۆبونەوەکەدا عەمیدی ئەندازیار نەبەز سەلاح ئاماژەی بە گرینگی جێبەجێکردنی ئەم پرۆژەیە کردوە کە لە ماوەی ڕابردودا لەسەر ئاستی دیوانی وەزارەتی پێشمەرگە و بەرێوەبەرایەتییەکانەوە جێبەجێ کراوە و "سەرکەوتنێکی باشی بەخۆوە بینیوە لە ڕوی کەمکردنەوەی رۆتین و نەهێشتنی گەندەڵی و دوو مووچەوە، هەروەها کۆنترۆڵکردنی گواستنەوەی پارە بە شێوەی کاش، ئەمەش بۆتە هاندەرێک بۆ جێبەجێکردنی هەنگاوەکانی دیکەی پرۆژەکە لەسەر ئاستی لیوا و یەکە سەربازییەکانی وەزارەتی پێشمەرگە."
170 جار خوێندراوه‌ته‌وه‌
9/29/2021 9:22:05 AM
زیاتر ...
زۆرترین خوێندراو
  • 24 کاتژمێر
  • هەفتە
  • مانگ