هەمەڕەنگ
ده‌نكی‌ كه‌تان و سووده‌كانی‌
 ئاڕاستە:ڤانیا بێستون
ده‌نكی كه‌تان بێجگه‌ له‌ یارمه‌تیدانی دابه‌زاندنی كێش، چه‌ندین سوودی ته‌ندروستیی بۆ جه‌سته‌ هه‌یه‌ چ به‌ كوتراوی یان كوڵاوی یاخود زه‌یته‌كه‌ی بێت كه‌ هه‌ریه‌كه‌یان گرنگی تایبه‌تی خۆی هه‌یه‌.

ده‌نكی كه‌تان چه‌ندین به‌های خۆراكی هه‌یه‌ له‌وانه‌ش، بڕێكی زۆر كه‌م وزه‌ی تێدایه‌ و ده‌وڵه‌مه‌نده‌ به‌ چه‌ورییه‌ ناچڕه‌كان وه‌ك ئۆمێگاسێ و ئۆمێگا شه‌ش و مادده‌ی دژه‌ ئۆكسانه‌كان و ڤیتامینه‌كانی وه‌ك ئه‌ی، بی، دی له‌گه‌ڵ ئی، كانزاكانی وه‌ك ئاسن، مه‌گنسیۆم، مه‌نگه‌نیز، كالسیۆم، له‌گه‌ڵ بڕێكی زۆرله‌ مادده‌ ڕیشاڵییه‌كان و ڕێژه‌یه‌كی كه‌م كاربۆهیدرات و بڕێك پڕۆتینی تێدایه‌.
* یارمه‌تی دابه‌زاندنی كێش ده‌دات، چونكه‌ ده‌وڵه‌مه‌نده‌ به‌ مادده‌ ڕیشاڵییه‌كان كه‌ یارمه‌تی زوو تێربوون ده‌دات، چه‌ورییه‌ ناچڕه‌كانی ناوی زۆر به‌ سوودن بۆ پێدانی وزه‌ به‌ له‌ش.
* به‌هێزكردنی ته‌ندروستی دڵ، یارمه‌تی دابه‌زاندنی فشاری خوێن و خۆپاراستن له‌ جه‌ڵته‌ی دڵ و مێشك و نه‌خۆشی ته‌سك بوونه‌وه‌ی خوێنبه‌ره‌كان ده‌دات۰
* یارمه‌تی دابه‌زاندنی ئاستی كولیستڕۆڵی خراپ ده‌دات، چونكه‌ ڕیشاڵه‌كانی ناوی ڕێگه‌ ده‌گرێت له‌ هه‌ڵمژینی چه‌ورییه‌ خراپه‌كان.
* چاره‌سه‌ری قه‌بزی ده‌كات، ده‌نكی كه‌تانی كوتراو بۆ نه‌هێشتنی قه‌بزی به‌كاردێت، ئه‌ویش بكرێته‌ ناو نان و سه‌موون و زه‌ڵاته‌ و ماسته‌وه‌.
* به‌هێزكردن و چالاككردنی به‌رگریی جه‌سته‌، چونكه‌ ده‌وڵه‌مه‌نده‌ به‌ ڤیتامین و كانزا و مادده‌ دژه‌ ئۆكسانه‌كان و مادده‌ ڕیشاڵییه‌كان .
* به‌هێزكردنی یاده‌وه‌ری و زیادكردنی ئاستی هۆرمۆنی دڵخۆشی و چاككردنی میزاج .
* به‌سووده‌ بۆ پاراستنی ته‌ندروستیی پێست و گه‌شبوونه‌وه‌ی و چاره‌سه‌ری ئه‌كزیما و هه‌وكردنی پێست و به‌ هێزكردنی مووه‌كانی قژ ده‌دات.
176 جار خوێندراوه‌ته‌وه‌
10/24/2021 11:14:55 AM
زیاتر ...
زۆرترین خوێندراو
  • 24 کاتژمێر
  • هەفتە
  • مانگ