هەواڵ
دوو تۆمەتبار دەستگیرکران کە دزیان لە نەخۆشخانەش کردووە
 ئاڕاستە : هەردی حەسەن
هێزەکانی بنکەی پۆلیسی بیارە دوو تۆمەتباریان دەستگیرد کە ئەو دوو تۆمەتبارە 7 تاوانی دزی کردنی جیاجیایان ئەنجام داوە ، تەنانەت دزیان لە نەخۆشخانەی بیارەش کردووە .

لە ڕاگەیەنراوێکدا بەشی ڕاگەیاند و پەیوەندیەکانی بەڕێوەبەرایەتی  پۆلیسی پارێزگای هەڵەبجە ڕایگەیاندوە " مەفرەزەی بنکەی پۆلیسی بیارە دوو تۆمەتباریان بەناوەکانی ( ک .ر .م ) تەمەن 25 ساڵ و ( ش . س . م ) تەمەن 31 ساڵ  ، کە هەردوو تۆمەتبارەکە دانیشتوی ناحیەی بیارە و پێشەیان کارمەندی ژینگە پارێزە دەستگیرکرد ، کە هەستاون بە ئەنجام دانی 7 تاوانی دزی کردنی جۆراوجۆر " .

لە ڕاگەیەنراوەکەدا ئاماژە بەوەشکراوە " ئەو دزی یەی ئەو دوو تۆمەتبارە ئەنجامیانداوە بریتی یە لە ( کێبڵی کارەبای نیشتمانی و پاتری نەخۆشخانەی بیارە و کێبڵی فەرمانگەی ئاوی بیارەو کێبڵی یاریگای تاتانی زەردەهاڵ و دوو شێلمانی ئاسن لەگوندی سەرگەت و دوو دڕێل و کۆمپریسەێک و دوو مۆلیدەی گەورە و چەند ساحیبەیەک  وپانکەیەک لەسەیرانگای وەزەنێ لە ڕێستۆرانتێکدا  و هەروەها چەند سەرەمەنهۆڵێک یان لە ناحیەی بیارە ) لەکاتی ئێستادا پەڕاوی لێکۆڵینەوەیان بۆ ڕێکخراوەو  بە پێ ی ماددەی 444 لە یاسایی سزادانی عێراقی  ڕاگیراون ".

67 جار خوێندراوه‌ته‌وه‌
10/24/2021 1:05:15 PM
زیاتر ...
زۆرترین خوێندراو
  • 24 کاتژمێر
  • هەفتە
  • مانگ