هەواڵ
بە هەوڵی یەکێتیی کێشەکەی تۆبزاوا چارەسەر کرا
 ئاڕاستە
دوای ئەوەی لە لایەن وەزارەتی بەرگری عیراقەوە هەوڵی ئەوە درا ئەو شوێنانەی کە بوونەتە شایەتحاڵێکی زیندووی پڕۆسەکانی ئەنفال لە ناوچەی تۆبزاوای کەرکوک کە کاتی خۆی رژێمی لەناوچووی بەعس دەرحەق بە نەتەوەکەمان ئەنجامی دابوو بکرێنەوە بە سەربازگە و ئەو شوێنەوەرانە لەناو بدرێن، بەڵام بە هەوڵ و کۆششی هەڤاڵانی مەکتەبی سیاسی و سەرکردایەتی یەکێتیی بە تایبەت هەڤاڵ کاک ئاسۆ مامەند ئەندامی مەکتەبی سیاسی و هەڤاڵ خالید شوانی ئەندامی سەرکردایەتی، لە رێگەی بەڕێز دکتۆر بەرهەم ساڵح سەرۆک کۆماری عیراقی فیدڕاڵ، پڕۆسەی‌ بە سەربازگەکردنی ئەو شوێنەوارانە راگیرا.

لێرەوە جێی خۆیەتی سوپاسی هەموو ئەو کەس و لایەنانە بکەین کە لە چارەسەرکردنی ئەم کێشەیەدا هاوکار و هەماهەنگمان بوون، جەختیش لەوە دەکەینەوە وەک هەمیشە یەکێتیی دەبێتە پارێزەر و داکۆکیکاری کەرکوک و کەرکوکییەکان، بەڵێنیش دەەین لە پێناو کەرکوک و دۆزە رەواکەی، هەرچی پێویست بێت بێ درێغ ئەنجامی بدەین تا گەیشتن بە چارەسەری ریشەیی ئەو پرسە رەوایە.


مەڵبەندی دووی رێکخستی کەرکوک
24/10/2021

199 جار خوێندراوه‌ته‌وه‌
10/24/2021 1:46:30 PM
زیاتر ...
زۆرترین خوێندراو
  • 24 کاتژمێر
  • هەفتە
  • مانگ