هەواڵ
مەکتەبی سیاسی یەکێتی نیشتیمانی کوردستان پیرۆزباییه‌كی بڵاوكرده‌وه‌
 ئاراسته‌:عه‌بدول نه‌جم

لە ڕاگەیەندراوێکدا مەکتەبی سیاسی یەکێتی نیشتیمانی کوردستان پیرۆزبای خۆی بۆ یادی ٦٠ ساڵەی دامەزراندی یەکێتی مامۆستایانی کوردستان ڕایگەیاند.

دەقی ڕاگەیاندراوەکە:

لە یادی ٦٠ ساڵەی دامەزراندنی  یەکێتیی مامۆستایانی  کوردستاندا، پیرۆزبایی گەرمی خۆمان ئاراستەی تەواوی ئەندامان و خێزانی پەروەردەیی دەکەین.

یەکێتیی مامۆستایانی کوردستان وەک فێرگەیەک بۆ گەشەپێدانی پەروەردە و زانست و فێرکردن ڕۆڵی گەورە و پێشڕەوی بینیوە لە گۆشکردن و قووڵکردنەوەی ھزری بەرزی کوردایەتی و پەروەردەی تەندروست و زانستی سەردەمدا.

لەم بارودۆخەی ئێستاشدا، ئەوە لە رێکخراوەکەتان چاوەڕوان دەکەین بەھەمان گیانی بەرزەوە بەردەوام بن لە خزمەتی مامۆستایان و ناوەندەکانی خوێندن. ھەروەک پێویستە وەک رێکخراوێکی پیشەیی و مەدەنی نوێنەرایەتی راستەقینەی مامۆستایان بکەن و لەسەنگەر و بەرەی ئەواندابن و لە رێگەی فشاری مەدەنییەوە داخوازی و پێداویستییەکانی مامۆستایان دەستەبەر بکەن، تا لەو رێگەیەوە پرۆسەی پەروەردە و فێرکردن زیاتر بەرەو پێشەوە بەرن.

لە کۆتاییدا سڵاو بۆ گشت ئەو مامۆستایانە دەنێرین کە تەمەنێکیان لە خزمەتکردنی فێرکردن و پەروەردە و زانستدا بینیوە و نەوەیەکی خوێندەواری  پێشکەوتوخوازیان  پێگەیاندووە.

79 جار خوێندراوه‌ته‌وه‌
5/15/2022 10:41:00 AM
زیاتر ...
زۆرترین خوێندراو
  • 24 کاتژمێر
  • هەفتە
  • مانگ