هەواڵ
بڕیارێك بۆ ڕاوچیانی ماسی ده‌رچوو
 ئاراسته:جه‌عفه‌ر حسێن

وتەبێژی بەڕێوبەرایەتیی پۆلیسی دارستان و ژینگەی سلێمانی ئاماری‌ کاروچالاکیەکانی‌ سێ مانگی‌ رابردوی  ئەمساڵ ئاشکرادەکات و ڕایده‌گه‌یه‌نێت"، 37 سەرپێچیکارمان لەسەر راوەماسی‌ دەستگیر کردووە".

عه‌مید (هێمن  کەمەرخان)، وتەبێژی بەڕێوبەرایەتیی پۆلیسی دارستان و ژینگەی سلێمانی لە کۆنگرەیەکی‌ رۆژنامەوانیدا رایگەیاند"، لەئێستادا مەفرەزەکانمان لەسەر دەریا و دەریاچەکان چڕکردۆتەوە،  بەهۆی‌ قەدەغەکردنی‌ راوەماسی‌، لەماوەی‌ سێ مانگی‌ رابردوشدا توانیومانە 37 سەرپێچیکار لەسەر راوەماسی‌ دەستگیربکەین و دەست بەسەر زیاتر لە 600 ماسی‌ راوکراویشدا بگرین".

هێمن  کەمەرخان هۆشداری‌ بە راوچیەکان دەدات و ئاگاداریان دەکاتەوە کە پێویستە راوچیەکان ئاگادار بن بەهەموشێوەیەک و لەهەمو کات و ساتێکدا راوکردنی‌ ماسی‌ بە تەزوی‌ کارەبا و  بەزەهر و بە تێنتی‌ قەدەغەیە، پێویستە خۆیان توشی‌ کێشە نەکەن.

جێگه‌ی باسه‌ سالأنه‌ له‌ له‌5/3وه‌ تا 15/6 ڕاوكردنی ماسی قه‌ده‌غه‌یه‌ له‌ پێناو پاراستنی سامانی ماسیدا.

 تەواوی‌ ئامارەکە..

91 جار خوێندراوه‌ته‌وه‌
6/14/2022 11:22:07 AM
زیاتر ...
زۆرترین خوێندراو
  • 24 کاتژمێر
  • هەفتە
  • مانگ