هەواڵ
خاتوو شاناز پشتیوانییەكانی بۆ بەرەوپێشچوونی پڕۆسەی پەروەردە دووپاتدەكاتەوە
 ئاڕاستە

٢٩ی حوزەیرانی ٢٠٢٢، خاتوو شاناز ئیبراهیم ئەحمەد كارگێڕی مەكتەبی سیاسی (ی.ن.ك) و سەرپەرشتیاری مەڵبەندەكانی (سلێمانی، چەمچەماڵ، شارەزوور، گەرمیان و راپەڕین)، لە نووسینگەی تایبەتی خۆی لە شاری سلێمانی، چاویكەوت بە مامۆستا چنار حەسەن بەڕێوەبەری كۆمەڵگەی پەروەردەیی كوردستان و ستافی ئیداری كۆمەڵگەكە.

لە دیدارێكدا، بەڕێوەبەر و ستافی كارگێڕی كۆمەڵگەكە، پوختەیەكیان لەبارەی چۆنێتی پێشكەشكردنی خزمەت و كار و پلانەكانیان بۆ بەرەوپێشبردنی پڕۆسەی پەروەردە و پێگەیاندنی نەوەیەكی هۆشیار بە زانست و زانین لە كۆمەڵگەكەدا باسكرد، لە بەرامبەردا خاتوو شاناز ئیبراهیم ئەحمەد، سوپاس و دەستخۆشی پێشكەشكردن كە بەوپەڕی دڵسۆزییەوە، ئەرك و بەرپرسیارێتییان رادەپەڕێنن لە پەروەردەكردن و گۆشكردنی منداڵان بە زانست و زانیاری و پەروەردەیەكی تەندروست.

دواتر، چەند پرسێكی تایبەت بە كۆمەڵگە و بەرەوپێشچوونی پڕۆسەی پەروەردە و فێركردن لە كۆمەڵگەكەدا تاوتوێ كرا و خاتوو شاناز پشتیوانیی خۆی دەربڕی، بۆ ئەو پێشنیازانەی كە پێشكەشیان كرد.

49 جار خوێندراوه‌ته‌وه‌
6/30/2022 10:41:36 AM
زیاتر ...
زۆرترین خوێندراو
  • 24 کاتژمێر
  • هەفتە
  • مانگ